صلاح التوم من الله كتب في الفصل الثاني من كتاب ( الاغاني لوجيع الزمان السوداني ) بعنوان ( اغاني ومعاني )
صلاح التوم من الله كتب في الفصل الثاني من كتاب ( الاغاني لوجيع الزمان السوداني ) بعنوان ( اغاني ومعاني )
مقال رقم (٩١)
حسدونا ليه في الحب
ريام نيوز ١٨ يوليو ٢٠٢٥م
ومن شر حاسد اذا حسد .. الاية الخامسة من سورة الفلق ..الحسد موجود في كل النعم خاصة نعمة الحب والعلاقات الطيبة .. الشعر عبر عن ذلك في عدد من الاغنيات ..
يقول الشاعر محمد الطيب عربي : حسدونا ليه في الحب حرمونا راحة البال ، وظلمونا ليه يا ويلم العزال وهي من الحان عبد الماجد خليفة غناء الثنائي ختم وحسن .. وفي مقطع من اغنية [ امير الحسن ] للشاعر الصاوي عبد الكافي غناء محمد وردي : بحسدوني الناس في حبي كم عزول روج إشاعة .. وهذه مصيبة الحساد يصوبوا نحوك الاذى والشرور .. لذلك كان لهم بالمرصاد الشاعر ود الرضى في اغنية [نسائم الليل] عندما دعا ضدهم بقوله : الحسود عينه بالعمي .. وهو يدافع عن محبوبته التي يصفها : عجوة معطونة في العسل ..
الحسد والسحر عملة واحدة .. واشتملت اغنية محمد علي ابو قطاطي غناء خليل اسماعيل علي كلاهما .. تقول الاغنية في مطلعها : بسحروك یا سمحة لو شافوا الخدود ولى شافوا الاعين المكحولة سود .. وتقول في خاتمتها : والغزال حاسدك عشان فيك الضمير والهلال من نور جبينك يستعير بسحروك الناس عشان ما بشبهوك
هذا المقال كتبت عام ٢٠١٥
